Animesh Kujur tu duniya laga greatest sprinter ase: world Athletics vice- president

Bhubaneswar ,10 August 2025: Bhubaneswar te Sunday, August date 10  te India laga first Continental Tour event host kuri bole, India laga top athletes khan part loi she, including sprinter Animesh Kujur aro javelin thrower Sachin Yadav. Kujur ke World Athletics vice-president aro former sprinter Adille Sumariwalla para India laga sob say bhal sprinter hisap te praise kuri she. Tai laga personal best tu 10.18 seconds (100m) aro 20.32 seconds (200m) te hoi she. Sumariwalla koi ase ke Kujur future te 10-second barrier bhi break kuri bo pare aro start tu etu koi lay bhi bahal perform kuri bole lage . Kujur tu 22 years tak chhattisgarh te thaki she aro , Europe te tight season tu ahi ase , aro ta te Monaco Diamond League aro World University Games te compete kuri she. Ta laga aim tu nijor laga personal best te close run kuri bole ase aro ranking para World Athletics Championships final te qualify kuri bole. Tai logo te, Sachin Yadav aro Neeraj Chopra piche te India laga top javelin talent laga hisap te dikhi ase, aro tai bhi compete kuri bo. Piche te Neeraj Chopra Classic te tai laga first throw te ankle twist hoi jai she, etu para tai tu performance bhi bhal para dibo para nai . Tai laga main rival tu 22-years laga  Rumesh Pathirage hoi jabo aro, Bengaluru te bronze medal loi jai kena, Neeraj aro Julius Yego piche te, Sachin laga personal best tu 85.16m hoi jai she,  aro tai laga target tu 86m cross kuri bole hoi jai she, etu para Neeraj logo te tu distance komti hoi jabo. Sumariwalla para koi ase ke event khan public logo te host kurile sporting culture develop hobo, champions banei khan bole system lagibo, na hoile tu etu generation te tu ekta Neeraj ekala hoi jabo. Sunday laga competition te India laga brightest track aro field talents dekhabo paribo, aro etu para desh te structured support aro development para besi champions ani bole inspire kuri bo.