Anini-Roing NH te Pahar laga Matri girea ase

Anini, March 23, 2025: National highway 313, toh Anini, Boder district of Dibang Valley aru Roing, Lower Dibang Valley aru alak jaga khan tebi ja laga rasta ase koishe. Yete ja duita week para Pahar mati jiri kina. Gari para birai manu khan ke duuk dea ase koishe. Reports khan laga hisab te, Etu landslides khan para bira manu khan ghanda ghanda rukhibole dea ase, taikhan laga rasta bon hoi ja para. Madhucon Compnay, NHDCL laga bitor thakhea toh rasta bon hoi ja khan toh sapha kurea ase koishe, hoilebi yete 6 -8 hours nishina loi koishe sapha kuribole. Tate thakhea manu khan gusa aru chinta khan bi hoi ase koishe, kile mane, etu pahar khan toh girea ase, Panni laga season nahoi agea para. Aru Gari para bira manu khan, nahoilebi Tourist khan ke etu rasta nalubole janai dishe, yete Pahar upor para pathor girea nimete.