New Delhi, 2 November : Anish Sarkar, 3 saal, aat mahina aru 19 din te sobse jawaan FIDE-rated khiladi boni jaise, ekta impressive Elo rating 1555 pa loi piche te.
Anish, 1st All Bengal Rapid Rating Open 2024 te debut kori 11 khel modot 5 points score kori jaise. Kunwa hafta piche te, Anish ekta opurtunity pai jaise Grandmaster Arjun Erigaisi, India laga top khiladi aru world-rank No. 4 logot khelibo karone ekta rapid rating tournament te. Shuru te qualify no korilebi, ekta last-minute opening pa loi Anish substitute hisapte kheli loise. Iman bhal chance te Anish ke high-level competition te khelibo chance pa jaise aru enika khelibo karone inspire kori jaise nijor first official rating paboley.
Erigaisi logot match khelia pichete, Anish next challenge loi jaise West Bengal State Under-9 Open Rating 2024 te, juntu te tai 8 khel modot 5.5 score korishey, 140 participants modot 24th place secure kori loise. Tai nijor determination dekhaise duita rated khiladi ke last rounds te haraikene, juntu ekta remarkable achievement ase etiya karone tai laga umar aru experience hisapte.
FIDE rating pabole Anish alop aru rated tournaments te part lobo loi continue kori thakise, official requirements meet koribo karone. Tai laga journey West Bengal State Under-13 Open Rating 2024 te culminate kori loise.
Add Comment