London, 11 July : Amanda Anisimova, United States laga ekta tennis player, Thursday din Wimbledon 2025 te top seed Aryna Sabalenka ke 6-4, 4-6, 6-4 te harai dise, aru etu jibon laga sobse dangor jeet loise. Itu jeet te 23 saal laga American player, juntu No. 13 seed ase, first time Grand Slam final te reach kurise.
2 ghonta 36 minute laga intense semifinal match te Anisimova laga nerve strong thaki, top 5 player khan logot etiya tak 6 bar jeet paise – aru etu World No. 1 logot first jeet. Etu jeet karone, Anisimova hoise Serena Williams (2019) pichete first American mahila player juntu Wimbledon final te pahunjishey.
Sabalenka logot Anisimova laga record bhi etiya 6-3 hoise, juntu dekhae ki etu rival match te Anisimova dangor pressure te bhal perform kuribo pare. Enika kuri, Anisimova hoise first player juntu 21st century te born hobo aru Wimbledon final te reach kuribo parise.
Final te Anisimova face kuribo Poland laga No. 8 seed Iga Swiatek ke, juntu dusra semifinal te Switzerland laga Belinda Bencic ke easily 6-2, 6-0 te haraise.
Anisimova laga journey direct nahoi. 2019 te 17 saal te French Open semifinal reach kuri world ke surprise dishe, kintu 2023 te mental health laga karone 7 mahina tennis para break luishe. Jaa saal Wimbledon te qualify bhi kuribo napari, Eva Lys logot preliminary te hari jaise. Kintu tai laga comeback asole inspiration hoi ase – Toronto te WTA 1000 final te runner-up hoi Top 20 te ghusi jaise, aru etu saal Doha te WTA 1000 title jitise. Wimbledon semifinal reach kuri, Anisimova now guaranteed Top 10 debut jabole ranking te.
Etu semifinal appearance Grand Slam level te tai laga dangor return signify kore. Tai laga first aru second Grand Slam semifinal te 6 saal 34 din laga gap ase – Open Era te choutha sobse dangor gap. Interestingly, Belinda Bencic – juntu final te opponent hobo parhto – bhi 5 saal te ekbar Grand Slam semifinal reach kuri ase.
Dusra haat te, Poland laga former World No. 1 Iga Swiatek bhi Wimbledon te tai laga best grass-court form dekhaise aru final reach kurise. First Wimbledon semifinal te Swiatek sirf 1 ghonta 12 minute te Belinda Bencic ke harai dishe, juntu World No. 35 ase.
Swiatek 2024 Roland Garros pichete kun bhi Grand Slam title jitana nai, kintu etiya Wimbledon te ekta jeet duri ase winner’s circle te wapas jabole. Wimbledon etiya tak tai laga weakest Grand Slam thaka bhi, etu saal tai grass te dominate kurise.
Five-time Grand Slam champion Swiatek etu season grass te bhal performance dikhai ase – 2 hafta age Germany laga Bad Homburg te tai first grass final reach kuri, aru Wimbledon final te bhi pohchi jaise. Though grass court te pehle struggle kuri thaka, Swiatek confident ase – karone tai Grand Slam final te 5-0 record ase: Roland Garros (2020, 2022-24) aru 2022 US Open jitise.
Wimbledon final te Saturday din Amanda Anisimova aru Iga Swiatek samna kuribo. Senior level te etiya tak tai khan ekbar bhi match kurianai, kintu junior level te 2016 te Anisimova jeet pai thaka ase.
Add Comment