New York, 3 March : Anora, ekta New York laga sex worker laga kahani ase, jun ekta dangor Russian client ke biyah korikina notun life pa bole chance pai jaisey. Itu film Sunday raat Los Angeles, United States te Academy Awards laga top five awards jitikina Best Picture bhi loi jaisey.
Annual star-studded ceremony te No Other Land, jun Israel laga occupation nicha Palestine laga manuh laga dukh dard upor documentary ase, ekta Oscar jitise.
Anora laga 25 saal laga actress Mikey Madison ke Best Actress award diya hoise, aru itu film laga Best Director trophy Sean Baker pai jaisey. Film original screenplay aru editing karone bhi awards jitise.
Tai laga acceptance speech te, Baker filmmakers khan ke big screen karone projects banai thakibo nimite inspire kori dise, aru tai bhal pora theatre experience komti hoijai ase buli dukh pai dise.
Anora to $6 million te banai dise, jun Hollywood laga standards hesapte bishi kom budget ase. Itu unpredictable Oscars race te jitise, jun te Conclave (papal thriller), The Brutalist (Jewish immigrant laga kahani), aru Wicked (blockbuster musical) bhi nominate thakise.
Adrien Brody tai laga second Oscar jitise, jun The Brutalist te ekjon Jewish immigrant aru architect hisab te American dream chase kora role karone Best Actor award pai jaisey. Tai laga first Oscar 22 saal age 29 saal te The Pianist film karone thakise.
Zoe Saldana ke Best Supporting Actress award di dise, tai Spanish-language musical Emilia Perez te Mexican drug lord laga fixer hisap te role kora karone.
Kieran Culkin bhi Best Supporting Actor award jitise, jun tai A Real Pain film te role kori thakise.
Brazil laga I’m Still Here film, jun ekta military dictatorship nicha ekta family totai jabo laga kahani ase, International Film Category te Brazil karone first Oscar anise.
Walter Salles laga itu film te Fernanda Torres tai laga character Eunice Paiva role te ase. Itu kahani Rubens Paiva, ekjon leftist Brazilian congressman upor ase, jun 1971 te Brazil laga military dictatorship majote tai laga Rio de Janeiro home pora uthai lujai dise, aru kabole naparise.
Add Comment