Anthony Fauci: Aha saal be Covid-19 vaccine napabo

October 29, 2020. United States te aha saal dak te be coronavirus vaccine napabo koikena Anthony Fauci, America’s top infectious disease expert para media logot janai thishe. Etu kotha toh tai para Wednesday din te tai para etu kotha toh virtual session thaka samai JAMA medical journal laga editor-in-chief logot koishe, koikena Hill news website para koishe. Fauci aro koishe ke, companies khan “independent safety monitoring board nemite data besi thakibo aro etu emergency authorization nemite recommend koribo” December moina te. Food and Drug Administration (FDA) para aha saal te authorization natibo koishe. National Institutes for Allergies and Infectious Diseases laga Director para aro koishe ke, FDA’s vaccine committee khan para “bhal hosari data aro lamba data sabo” koishe. Mask lagabo nemite, Fauci koishe, manuh khan para etu kotha toh mesa-mesi nakoribo lage, etu para “eku alag nahobo”. “ami khan etu excuses toh beche koribo lagi, ami khan etai situation toh chuto nahoi. “225,000 manuh morikena ase aro winter samai one hundred nahoile thousand hoboli ase,” etu khobor toh Hill news website para experts khan laga kotha janai thishe. Fauci laga kotha toh United States khan notun coronavirus cases logot larai kora samai kowa ase. Etai, bemari para US ke sobse beya para laki-kena ase. United States te Covid-19 cases toh 8,855,182 hoikena ase aro 227,673 manuh morishe.