GUWAHATI , December 15, 2019 : Tangla Udalguri district Assam te thaka Iswar Nayak aro kun Guwahati Wednesday te luwa anti-CAA (then anti-CAB) protest te jhokom paishe Sunday din te murishe.
Etu 25 umar manu ke piche para marishe tai Citizenship (Amendment) Bill laga khilaaf Down Town area Wednesday din te protest kura time te .
Tai toh ek sal para Fashion Big Bazar te kaam kuri thakishe.Tai logote thaka manu koishe ki”Ami khan ATM te Wednesday saam te ghussise poisa olabole nimete sobji kinibole nimete .Hoilebi ATM te cash thakanai.”
Tai koishe “Etu pichede ami khan protest te saamil hoikena contentious Citizenship (Amendment) Bill, 2019 laga khilaaf slogan di thakishe .Etu pichede ami khan ghor te jabole time te ami khan dikhishe security personnel khan protesters khan uporte hamlaa kura.”
Tai aro koishe “Iswar ke pichede para marishe aro etu pichede ami khan tai ke Downtown Hospital te luijaishe aro etu pichede Guwahati Medical College and Hospital (GMCH) te luijaishe .”
Char din para tai laga jeevan nimete ladai kurikena etu 25 umar Nayak toh Sunday te murishe aro tai murikena etu anti-CAA related shooting laga death toll toh etia tak paanch jun hoishe.
Lachit Nagar area laga Police firing Dipanjal Das Chaygaon te thaka murishe aro 17-year-old San Stafford ke Hatigaon area Guwahati aro dusra dui jun Basistha area Guwahati aro Tinsukia district te muraidishe .
Assam DGP Bhaskar Jyoti Mahanta Saturday te khobor dishe ki komti hoilebi 25 manu nishena guli para jhokom paishe aro dusra 25 jun toh security forces logote jakara ola time te jhokom paishe.
Tai aro koishe ki etia tak 85 jun ke thurikena ase alag alag chamela nimete.
Add Comment