May 17, 2021. Monday din Defence Minister Rajnath Singh para anti-COVID-19 drug 2-deoxy-D-glucose (2-DG) 1st batch olai dishe. 2-deoxy-D-glucose (2-DG) ola te India para coronavirus bemar logot larai kora samai besi tangor kamyaab hoboli ase koishe. Union Health Minister Harsh Vardhan aro AIIMS Delhi laga Director, Dr Randeep Guleria, be etu 2-DG drugs ola samai samil thakishe koishe. Monday din te 2-DG drug 10,000 doses toh powder te olaishe, etu samai tawai powder toh paani te halikena saishe koishe. Etu tawai toh Defence Research & Development Organisation’s laboratory Institute of Nuclear Medicine & Allied Sciences para bona laga ase koishe. Hyderabad-based Dr Reddy’s Laboratories toh etu logot partner ase aro public nemite tawai toh bonai ase koishe. Etu tawai toh 2-DG molecule koikena tumour, cancer cells elaj nemite ase aro etu glucose analogue ase aro saboli glucose neshina ase hoilebi glucose nahoi. Virus para etu glucose analogue toh loikena thuribo koishe. Etu tawai para virus phela toh rokabo koishe. Nuclear Medicine and Allied Sciences Institute laga Director Dr Anil Mishra para koishe ke, manuh khan logot oxygen demand kora toh hoile body te virus besi howa nemite ase koikena janaishe.
Anti-COVID-19 tawai 2-DG olaishe
Add Comment