Anti-Trump protestors khan jama koishey cities te pura US te

United State, 6 April 2025: Protestors jama hoishey cities khan te pura US te President Donald Trump ke denounce kuribo leh. Sopse dangor nation wide opposition dikha boleh president toh office lwa pichideh January te. ‘Hands Off’ protest planners khan aimed kuri shey rallies rakhibo leh 1,200 jaka te, sop 50 US state milai kina. Thousands nishina manu khan Boston, Chicago, Los Angeles, New York aro Washinton DC te ahishey, alak cities khan te b Saturday din te. Protestors khan grievance cite kuri shey Trump laka agenda lokot, social pra economic issues opor te. Trump alak announcement US khan tariffs impost kuribo duniya bishi countries te kuri na olop din pichideh, manu khan jama hoisehy US laka bahar te b London, Paris aro Berlin milai kina. Boston te, kunba protestors khan koishey taikhan immigration raids pra motivated thaki sheyy US university students opor te kun toh pra arrest khan hoishey aro deportation b. Law student Katie Smith pra BBC News ke koishey tai toh Turkish international student Rumeysa Ozturk pra motivate hoishey, kun ke Boston jaka Tufts University te dhuri shey masked US agent pra last month. Tai pra aro koishey, Tuikhan aji khara kuribo pareh nahoileh tuike kali loi jabo. Moi asol toh protest maiki nahoi. London te protestors khan sign dhuri shey, WTAF America? Likhina thaki shey, Manu khan ke duk nadibi aro Tai toh pagala ase. Taikhan “Canada pra haat olabo”, “Greenland pra haat olabi”, “Ukraine pra haat olabi” koina chilai shey, Trump laka US foreign police opor te change refer kuri kina. Trump pra bishi bar interest dikhai shey Canada aro Greenland annex kuribo leh. Tai public dispute te b jaishey Ukraine president Volodymyr Zelenskyy lokot b aro duk paishey peace deal banabo leh Ukraine aro Russia bich te.