New Delhi, 13 May : Antim Panghal fer ekbar trouble te fasigise jetiya tai IG Stadium te chola national camp pora injury laga karone camp chari dise.
Antim surute WFI ke eta proposal dise thakise ki tai Japan jai training koribo bisare, tai laga personal physio logot. Tai koi thakise ki Mongolia te 29 May pora shuru hobole thaka international ranking series te team logot directly join koribo.
WFI camp te thaka coaches logot consult korar pisot tai laga permission deny korise. Coaches laga kotha hisab te, camp dangor ekta break pora shuru hoise, tai wrestlers laga fitness monitor kora bisi important ase.
Antim duidin medical leave mangise aru WFI okh diya thakise. Kintu Tuesday din, tai leave extension aru tai laga personal physio ke national camp, international tournaments aru tour te logot rakhibole permission mangise.
Etia eta kotha bhi saamne ahise ki Antim camp te thaka coaches laga upor complain korise jetiya tai laga Japan training proposal reject kora hol.
Antim, jun 20 saal laga hoise, India laga ekta most promising wrestler ase — 2023 World Championships aru Asian Games te medal paise, aru Paris Olympics te qualify korise. Kintu Paris Olympics te tai first round te huri jai.
Paris te bhi Antim trouble te ahise jetiya tai laga accreditation card tai laga bon ke dise, aru tai use korike Games Village te ghusibole try korise — juntu te security rokhi dise.
Itu incident pora organisers tai laga accreditation cancel kori dise aru Antim ke tai laga 4-member support staff logot wapis pathai dise. Tai March mahina te Asian Championships te bronze medal jiti se.
Jordan te medal jitile wrestlers khan ke Mongolia ranking series te team te select kora hoise. Jodi Antim Mongolia te participate nai kore, taile India laga side pora kunuba representation nai thakibo, karon Tuesday din trials already complete hoise.
Add Comment