Anurag Kashyap para koisey tai Shah Rukh Khan logotey kaam kuribole naparibo : Tailaga fanbase para bhoi khaikina asey

New Delhi, June 06 : Filmmaker  Anurag Kashyap para ekta interview te tai kinimitey Shah Rukh Khan logotey ekbar bi film koranai etu laga karon koisey. Director Anurag Kashyap para koisey ki etu laga karon tu Shah Rukh Khan laga ekdam alag character aro charm asey kuntu ke fan khan khusi pai. Aro tai tu enaka lagi asey ki tai para ekta director hoikina Shah Rukh Khan laga etu character aro charm ke recreate(dusra tarika nohoilebi nutun banabole) naparibo. Humans of Cinema logotey kora ekta interview te, Anurag para share kurisey ki tai tu superstar khan laga fanbase para bhoi khai. Tai para koisey, “Ajikali Social media laga jamana chuli thaka homoitey, ami tu dangor star(actor actress) khan logotey fanbase thaka para bhoi khaikina asey. Fan khan para actor khan ke ekta style(nohoilebi type)  te sai aro bar bar etu ekey type te dikhibole bisarey. Aro taikhan para bhabna kora style te nidikhisey koiley, fan khan para reject kuridiye. Toh, actor khan bi nutun role khan try kuribole bhoi khai. Etu nimitey Shah Rukh Khan laga ekdam posond lagaidiya character nohoilebi peheli ke banabole tu amilaga capacity(baas) te nai. Tailaga film ‘Fan’ kaam kamyab hoikina thakisey koiley, ami para kobole thakisey ki amilogotey bi tailogotey kaam kuribole laga himmat asey.” Agey barikina Anurag para kinaka kurikina India te nijor laga superstar thaka nimitey   superhero laga jarurat nai etu laga bari te kotha kurisey. Tai para koisey, “Amikhan laga desh te hero khan ke puja korey. Amikhan logotey bisi bustu laga kami asey. Amikhan laga atma biswas aro atma somman komti asey. Amikhan ke hero laga dorkar asey. Amikhan laga desh hey enaka desh asey kotey actor khan superhero laga role kora homoitey taikhan laga chehra cover nokorey. Kilemaney taikhan laga chehra dikhabole important asey.