Wednesday, September 23 – Punjabi music superstar AP Dhillon officially announce kurishe ki tai laga nutun “One of One India Tour 2025” etu December month te India te shuru hobo. Dhillon, juntu Brown Munde, Excuses, Insane, aru notun gana Afsos, STFU, Without Me karone bishi famous ase, etiya India manu khan karone ekta dangor live show loi ahi ase.
Tour etu shuru hobo December 5 te Ahmedabad para, aru etu pichete Delhi NCR (Dec 7), Ludhiana (Dec 12), Pune (Dec 14), Bengaluru (Dec 19), Kolkata (Dec 21), Mumbai (Dec 26), aru Jaipur (Dec 28) te closing show hobo. Dhillon laga old collaborator Shinda Kahlon bhi tai logote stage te perform kuribole ase.
Etu tour BookMyShow Live para organize kuri ase, aru etu AP Dhillon laga India te sobse dangor tour hobole ase. Ticket khan khali BookMyShow website te available hobo. Visa cardholder khan karone early access hobo September 26 te 11 baje para, aru general public ticket sale hobo September 28 te 12 baje para.
Ekta special initiative hisap te, sob ticket te ₹100 Punjab flood relief karone donate kuribo, aru AP Dhillon nijor para bhi etu donation match kuribo. Fans khan booking time te extra donation bhi kuribo pare.
Etu tour te AP Dhillon laga old hit aru latest ghana khan live perform kuri bole ase, aru etu India laga 2025 most exciting musical event hobole ase.
Add Comment