AP Dhillon para three-city India tour announce kurisey

New Delhi, September 27 : Singer-rapper AP Dhillon tu tailaga ‘The Brownprint tour’ laga hisa te, India te ekta three-city(3ta seher) tour nimitey ahibole asey. Tai para koisey ki tai tu India te etu suru kuribole eman excited asey. Tai para etu announcement tu Friday din te social media laga ekta post laga through para kurisiley. Etu tu India te tailaga second tour hobole asey, 2021 laga tour picheyte. AP Dhillon tu Brown Munde, Excuses, Insane, With You nisna hit gana nimitey jana jai. Tailaga recently release huwa extended play(EP) tu Bora Bora aro Old Money bi hit hoisey. Etu three-city tour tu December 7 te Mumbai te suru hobole asey. Kuntu picheyte December 14 te New Delhi te tailaga first performance hobole asey. Tai  December 21 te Chandigarh te bi perform kuribole asey. Etu singer-songwriter, rapper aro record producer(AP Dhillon0 ke stage te tailaga long-time collaborator(bisi lamba homoi para milikina kaam kora) Shinda Kahlon para join kuribole asey. Etu tour laga bari te kobo koiley, AP para koisey, “Ami amilaga tour karney India te wapas ahibole eman excited asey. Indian fan khan laga  morom aro support pa tu ami nimitey bisi khusi laga kotha asey. Ami taikhan logotey reconnect kurikina The Brownprint’ live laga energy share kuribole rukhibo napara hoisey.”Etu tour laga ticket tu September 29 te live jabole asey. Ahibole thaka moina khan tu music fale high hobole asey. Bisi international artiist khan bijli giraidiya laga performance dibole asey. Grammy Award jita singer Dua Lipa tu November moina te India te ekta performance dibole wapas ahibole asey. Singer Bryan Adams para bi tailaga ek hapta lamba trek tu December 10 te Shillong para suru kuribole asey aro December 16 te Hyderabad te khotom kuribole asey.