AP Dillion laka ghor bahar deh firing hui shae

September 3, 2024: Punjabi singer AP Dhillion laka ghor bahar deh firing hui nah ek din hua piche deh, incident laka nutun video ekta social media deh surface hui jai shae. Video deh, accuse tho ekta kala truck aro ekta chutu gari keh julai dia diki shae. Etu piche deh tai para kom seh kom 14 times tho goli mari shae, gari deh bui nah nabula agae deh.Alak ekta video para jula laka marks kan dikai shae, gari para. Goli mara tho marks kan b ghor laka front windows deh diki taki shae.Media reports laka isap deh, Rohit Godara, kun Lawrence Bishnoi gang laka ekta member ase, tai para incident karne responsibility lui shae, ekta social media post deh.Bishnoi-Godara gang para taikan, Canada laka Victoria island aro Toronto laka Woodbridge deh shooting kan kuri shae kui shae.“Mui safe ase, muila manu kan b safe ase. Kun kan muike reach out kuri shae, taikan sob keh thanks. Sob keh pea aro love,” tai para liki shae,  Instagram shorts deh.