APCC para PMC Chief Councillor Okiam Moyong Borang laga resignation demand kurishey

Itanagar, 21 September : Arunachal Pradesh Congress Committee (APCC), Friday dey, Pasighat Municipal Council (PMC) chief councillor Okiam Moyong Borang laga resignation, aro present East Siang Deputy Commissioner Tayi Tggu laga khilaf disciplinary action demand kurishey.Itu demands ke adress kuriboley naparina, itu committee para district laga sob PMC ward dey democratic movement ke resort kuriboley faisla luishey.Arunachal Press Club (APC) dey Friday dey media ke adress kurina, APCC Vice President, Meena Toko, kuishey ki PMC laga majority councilors toh chief councilor laga performance logot satisfied nahoi. Aro, itu 6 councillors, total 8 para, itu chief para restrict kurishey.Meena para kuishey ki 6 councilors, kun agey dey BJP para thakishey, Borang laga khilaf tai laga incompetency karney protest kurishey. Itu councillors laga eku consultation meeting thakianai, itu councilors laga rights ke deny kurishey, eku funds disbursement aro sobse importantly PMC laga office dey eku transparency aro accountability thakianai.Rebecca Panyang Megu, Deputy Chief Councilor (DCC) alag councillors logot milaina, July 10 dey, DC ke itu issues laga likhishey. Wherein, members para DC ke ekta no-confidence meeting conduct kuriboley appeal kurishey. Itu meeting toh itu present incumbent CC ke rakhiboley nahuiley hatai diwoley faisla luwoley karney thakishey.Tai para kuishey ki jaa 6 mahina karney, aji tak, Chief Councillor laga leadership andar dey eku meeting luanai. Consultation, empowerment, aro fund allocation ke related thakia meetings toh PMC para neglect kuria topics maju dey asey.Juti district administration ke itu matter upar dey yaad dilai, itu administration para eku kurianai. Itia, councillors logot demonstration laga alawa eku alag option nai, tai kuishey.