‘Apni seeded nataki leh, ki hobo najaeh’: Rafael Nadal

May 26, 2024: Rafael Nadal, taila French Open 2024 campaign tho Alexander Zverev laka against shuru kurole ase Monday din deh. Rtu tho taila final Roland Garros campaign taki bo pareh. Nadal, kun ekta 14 time French open champion ase, tai January 203 piche deh khali chartha tournament deh heh feature taki shae. Taila French opener deh jah time deh, tai Zverev kaja against 7-3 win record ase aro German keh 2022 semi-final deh b harai di shae. Hoile b etu salm taijun b alak alak forms deh ase. Zverev tho Italian Open jiti nah French Open deh gusi ase aro tai World no. 4 b hui shae. Alak side deh, Nadal, tai Madrid open aro French Open deh fourth aro second round finishes ase. Tai itia World no. 276 deh ranked ase. Taila Roland opener deh kotha kura time deh, Nadal para etu kui shaem: Kun bah time deh, kun bah para mui keh draw kuri shae. Maneh, reaction tho expect kuri taki shae mui. Apni seeded nataki le, ki hobo najaneh. Etu tho business ase.” Alak side deh, Zverev para tai tho tournament laka later stage deh heh Spanish legend keh face kuri bo mun jai kui shae. “Mui tho taike, tournament laka later stage deh face kuri bole mun jai hoile b ki hui shae, hui shae. Tai etu sal unseeded ase. Etu tho ekta dictar draw ase hoile b muijun karne b dictar draw ase. Kinaka jabo, etu tho sabo,” tai para kui shae.