APP para Sisodia laka bail keh welcome kuri shae

August 9, 2024: Aam Aadmi Party (AAP) para Friday din deh, former deputy chief minister Manish Sisodia keh grant kura bail keh praise kuri shae. Taikan para central government para taike jail deh rakhi shae kui shae, political malice karne. Party para prolonged investigation time deh tai laka hath para ektaka b recover nakuri nah jail deh dali shae kui shae. Rajya Sabha member Sanjay Singh para Delhi chief Arvind Kejriwal b eki case deh bail pabo kui nah hope kuri ase kui shae. “Taike 17 mohina laka upor deh jail deh rakhi shae aro rakhi nah b tai laka hath para ektaka b recover kura nai. Process tho punishment hui jai shae. Alak alak pretext pitor deh jani jani nah, taike jail deh dali shae, political malice aro grudge karne. Aro aji utu manu justice pai shae. Manish Sisodia laka 17 mohina tho waste deh jai jai shae. Singh para sob AAP workers kan Supreme Court laka judgement upor deh kushi ase kui shae.”Sob manu jani taki shae, mukan laka leaders keh illegally frame aro jail kuri ase kui nah, Mukan laka chef Arvind Kejriwal aro Satyendar Jain itia b jail deh ase. Taikan b justice pai nah jail para ola bo kui nah biswas ase mui. Etu verdict tho central government laka dictatorship karne ekta dangor slap ase kui nah biswas kureh mmui,” Singh para kui shae.