December 05, 2025: Employment, Skill Development & Entrepreneurship laga Department, GoN para itu Apprenticeship laga Promotion opor tey State Level Campaign organize kurishey, itu PM-National Apprenticeship Promotion Scheme (PM-NAPS) under tey, 5th December, 2025 tey, itu Capital Cultural Hall, Kohima tey. Itu programme toh hoiley itu apprenticeship laga promotion nimitey Pilot Initiative laga part asey, itu North Eastern Region tey.
Moatoshi Longkumer, MLA & Advisor, Labour & Employment, Skill Development & Entrepreneurship aru Excise para itu programme tey speech diya homoi tey koishey ki, “Nagaland tey talent laga komi nai, noilebi structured opportunity khan lagi asey.
Tai para organizer khan ke aru partner khan ke appreciate kurishey aru emphasize kurishey ki, Nagaland laga youth toh khali education tey ekla rely kuriboley naparey. Tai khan ke experience, exposure, aru industry immersion lagi asey, employable hobo pariboley.
Tai para koishey aji laga homoi tey productivity tey traditional process khan para bhi bishi lagi asey aru apprentice ekta transformative model thaki kena asey.
Itu Advisor para convergence lagi thaka laga stress kurishey, Government department khan, industry body khan, Sector Skill Council khan aru training provider khan nimitey, policy alignment, training relevance, aru aru bhi dangor participation ensure kuriboley karney.
Add Comment