Siliguri: April 3 direk Railway laga ground deh rally lowah time deh Prime Minister Narendra Modi para kotha koribole ase. Etu agae deg West Bengal government para BJP para rally lobo karni adiya nidiya thakise.
Prime Minister para rally deh kotha koribole laga notun jaga toh New Jalpaiguri Railway Station laga next deh ase. Etu khobor toh Saturday din Darjeeling district president Avijit Roy Chowdhury para janaideya laga ase.
BJP state president Dilip Ghosh para kowah toh, “poila local administration para ami khan venue juna ke agiya deya nahoi. Ami khan para arobe tusara ground nemide kosish kora bechide agiya paise”.
Ghosh para kowah toh, “BJP party para poila mathi juna toh Siliguri Jalpaiguri Development Authorities (SJDA) laga mathi ke juna thakise aro etu deh tai khan para agiya deya nai. Etu agae deh be rally lobo nemide agiya nidiya thakise. Hoilebe TMC para BJP khan rally lobo nemide rukhabole naparibo”.
April 3 direk deh PM Modi para tuita rallies lobole ase. Second public meeting toh Kolkata’s Brigade Parade Ground deh lobole ase.
Add Comment