April te India aro Japan 2+2 Talks Tokyo te thakibo

NEW DELHI: Defence Minister Rajnath Singh aro External Affairs Minister S Jaishankar para mid-April samai Tokyo visit koriboli janaishe. Etu visit toh hoile next edition ‘2+2’ dialogue toh Japanese counterparts logot koribo aro etu samai key issues neshina Indo-Pacific pithor Ukraine crisis nemite te ase, koikena etu kotha toh khobor hesab te janaishe. Mr Jaishankar aro Mr Singh para US visit kora beche Tokyo visit koribo. Etu tuita(2) ministers para US te ‘2+2’ foreign aro defence ministerial talks toh US Secretary of State Antony Blinken aro Defence Secretary Lloyd Austin logot Washington te April 11 darik te thakibo. Japan aro US toh Quadrilateral coalition te India laga partners ase aro etu samai Indo-Pacific pithor Ukraine crisis nemite  Washington aro Tokyo te be kotha koribo. Mr Singh toh April 10-13 darik samai US te thakibo. Mr Singh aro Mr Jaishankar para Tokyo visit koriboli thaka toh olop din akhe Japanese Prime Minister Fumio Kishida para India-Japan summit samai India visit kora nemite. New Delhi te summit samai,  Kishida para India te aha 5 saal pithor te 5 trillion Yen (Rs 3,20,000 crore) invest koriboli target ase koikena junaishe. Etu 2+2 dialogue te tuita(2) sides para be bilateral cooperation toh defence aro security te expand koribo aro etu oper te Indo-Pacific developments nemite be kotha koribo. Japanese delegation khan ke Foreign Minister Yoshimasa Hayashi aro Defence Minister Nobuo Kishi para head koribo. Japan logot etu  ‘2+2’ dialogue toh 2019 saal te janaishe aro etu para security aro defence cooperation tangor hoikena tuita(2) countries pithor te special strategic aro global partnership thakiboli janaishe. India logot the ‘2+2’ ministerial format dialogue toh konuba countries neshina US, Japan, Australia aro Russia logot ase, koikena khobor para janaishe.