GUWAHATI | May 11, 2019:Thursday din Agriculture Officer, Mrigen Haloi, kun ke agriculture department laga cash for job scam nimete thurishe tai khan special court para 4 din nimete remand te loishe .
Court koishe police remand time te Haloi ke medical examine kuribo police khan para hudai aro necessary treatment khan dibo.
Olop akhe APSC cash-for-job scam accused Rakesh Paul ke bi thurishe etu case nimete . Agriculture development officers (ADO) te thik para selection noloa khobor janaa toh Bedanta Bikash Das para 2017 te FIR kura pichede ase .Tai para koishe Paul ke Rs 15 lakh mangishe etu ADO post pabole nimete .
“FIR te Das koishe ki alag alag officers khan ke state agriculture department nimete loishe etu selection process forge kurikena paul laga naam te poisa paikena .2013 te ADO laga advertisement olaishe aro screening test aro viva voice toh 2015 te loishe .Etu selection test result toh 2016 te olaishe ,”police source koikena janaishe.
Etu case sabole nimete komti hoilebi candidates kun khan ADOs examination diya laga 1,075 optical mark recognition sheets saishe .Etu ekla nohoikena attendance list aro Marksheets khan bi forensic examination nimete phutaishe .Etu saa pichede komti hoilebi 27 amswersheets khan forged thakishe .
Add Comment