AR: Foreign cigarettes Rs 29 lakh daam thurishe

June 9, 2021. Mizoram te Assam Rifles troops para smuggled kora foreign origin cigarettes thurishe. Etu operation kam toh Tuesday din Serchhip Battalion pithor Headquarters Inspector General Assam Rifles (East) para korishe koikena HQ IGAR (East) para press statement te janaishe. Operation samai sob melaikena 23 cases foreign origin cigarettes toh Chhungte, Champhai district Mizoram para thurishe. Operation kam toh of Assam Rifles & Customs Preventive Force Champhai, joint team para khobor powa nemite kora ase, koikena Assam Rifles para statement te koishe. Hesab kora te etu foreign origin cigarettes thura laga daam toh international market te Rs 29.90 lakh neshina ase koishe. Customs Preventive Force Champhai para contraband items oper te tui(2) jun manuh thurishe. Mizoram State te drugs smuggling hoi thaka toh besi tangor bapana ase aro besi wala toh India-Myanmar border te kori ase koishe. Olop din akhe June 4, 2021 te Serchhip Battalion of 23 Sector Assam Rifles para Chhungte, Mizoram te foreign jaga laga cigarettes toh 9 cases thurishe. Etu cigarettes toh joint team, Assam Rifles personnel aro Champhai Customs Preventive Force para operation samai thurishe. Etu samai Customs Preventive Force Champhai para etu case te 1 jun logot thurishe. International market te cigarettes laga daam toh Rs 11,70,000 neshina ase koishe.