Imphal: Friday din te Keithalmanbi Battalion of Assam Rifles para Manipur capital Imphal district te bantok aro gooli thurishe koishe. Assam Rifles laga khobor hesab te koishe ke, tai khan para 1 AK47, tuita(2) CMGs, tuita(2) 0.32 mm Pistols, tuita(2) 0.22 mm pistols, 8 mela-meli magazines, 36 gooli aro bomb toh Tmongbung bosti, Imphal District, Manipur te thurishe koishe. Twitter te jaikena Assam Rifles para lekishe ke, “June 11 darik te Keithalmanbi Battalion, Assam Rifles para 1 AK47, tuita(2) CMGs, tuita(2) 0.32 mm Pistols, tuita(2) 0.22 mm pistols, 8 mela-meli magazines, 36 gooli aro bomb toh Tmongbung bosti, Imphal District, Manipur te thurishe.” Koishe. Olop din akhe te be, Assam Rifles para KNA (SoO Group) laga cadre ek jun ke Moreh Town para alag operation samai thurishe. Etu manuh laga hath te 1 9mm Pistol, tuita(2) Chinese Hand grenades aro mela-meli gooli toh BP-76 osor Moreh District, Manipur para thurishe ase koishe.
