AGENCIES: April 8 te T Series para olop akhe te tai khan laga nutun song ‘Masakali 2.0’ tara Sutaria aro Sidharth Malhotra thaka toh olaidishe.
Etu ganaa toh aro bi wapas bonaishe Tara Sutaria and Sidharth Malhotra. 2009 Rakyesh Om Prakash film ‘Delhi-6 laga original song ‘Masakali’ laga remix thakibo.
Etu sob manu janaa ganaa toh AR Rahman para bonaikena amazing Mohit Chauhan para gaishe aro etu te Sonam Kapoor and Abhishek Bachchan ase.Etu original toh sobse popular ganaa thakishe aro etu ganaa toh bishi manu khan para bhal lagishe.
Etu nutun ganaa toh Tanishk Bagchi para bonaishe etu toh Sachet Tandon and Tulsi Kumar.para gaishe .
Etu nutun version ola pichede sob manu khan khushi paanai aro koishe etu toh original logote namile aro etu ganaa ke biya kuridishe.
Etu ganaa toh mixed reaction paishe kunba khan toh bhal lagishe Sid and Tara, para pairing te aro kunba toh etu ganaa laga lyrics toh khushi paanai.
Hoilebi asurit huwa toh AR Rahman para twitter te jaishe aro etu ganaa te khushi paanai.Sob manu asurit huwa toh etu legend toh bishi bak chup chap thakeh aro tai ke hudah samay te hudeh hoilebi tai toh bahar te ahikena aro dikhaishe ki etu para khushi napaa dikhai thakishe etu ganaa uporte ‘Ishwar Allah’ toh wapas bonaishe tai para tai khan etu ganaa toh biya kuridiya laga ase koikena janaishe.
Tai para dusra iconic numbers khan toh ‘Humma Humma’ aro ‘Urvashi’ ase ke remixed past te ase etu legend toh khushi paanai etu remix toh trend toh wapas bona aro true artists khan biswaas kuribole lageh original te.
Add Comment