Manipur, 10 June : Arambai Tenggol group etiya ongoing 10 din laga total shutdown turant effect te khotom koridise. Kintu, group janai dise ki tai democratic protest aru agitation continue koribo jabole ase, jitia tak tai laga important leader Asem Kanan Singh ke unconditional release nahoi.
Media ke address kori thaka press conference te, Arambai Tenggol laga PRO Robin Mangang, senior leader Asem Kanan laga arrest ke strongly condemn korise. Tai koise ki June 7 raat te protest suru hoise, aru tar pichite 10 din laga total shutdown announce korishey.
Kintu public appeal aru civilians khan ke juntu asubidha hoise, itu acknowledge kori group etiya bandh ke suspend koridise — juntu bandh laga tita din thakise.
Tai confirm korise ki Arambai Tenggol laga position clear ase — government authorities ke arrest decision logot tai khushi nohoi, aru democratic agitation continue koribo jabole ase, jitia tak Asem Kanan ke release na kora jaai.
Add Comment