Madrid, 12 July : India laga Jyothi Surekha Vennam aru Parneet Kaur, duijon he compound women’s semifinal te entry loi luse, Archery World Cup laga season laga fourth stage te.
Jyothi, juntu qualification round te top position te finish korise, quarterfinal te Turkish archer Hazal Burun ke 147-144 score te haraikena semifinal te Korea laga Han Seungyeon logot mukabla koribo. Dusopate, Parneet ta laga prothom World Cup semifinal reach korise, Turkish Oznur Cure Girdi ke 142-141 score te haraikena.
2023 Asian Champion thaka Parneet agota ketaman World Cup stage (Florida, Shanghai, aru Antalya) te selection miss korise, aru continental bahar ekta bi individual medal pa nai. Kintu Tuesday din 72-arrow qualification round te ta laga personal best 704 te duita point kom thaka 702 score uthai luse, aru etiya duita match door te ase ta laga prothom World Cup podium karone.
Semifinal te Parneet reigning European Champion Gibson logot samna koribo, aru possible final nai to bronze medal match hobo Jyothi nai to Antalya runner-up Han Seungyeon logot.
Men’s individual event te top-seeded Rishabh Yadav, Aman Saini, aru Priyansh second round te eliminate hoise, aru Prathamesh Bhalchandra Fuge agey round te he bahar hoise.
Recurve archery te men’s aru women’s team duita he opening round te disappointment samna korise. Women’s team—Ankita Bhakat, Deepika Kumari aru 15 saal laga debutant Gatha Khadake—fourth seeding karone second round para campaign shuru korilebi France logot 3-5 te hari jabo lage. Men’s team—Dhiraj Bommadevara, Rahul Singh aru Neeraj Chauhan—Brazil logot 2-6 te haraise.
Add Comment