Archery World Cup Stage 1: Dhiraj Bommadevara para Individual Bronze loishey

Florida, 14 April : India laga Archery World Cup Stage 1 te campaign khotom kori thaka time te, India char ta medal loi ekta dangor performance dikhai dise — men’s recurve team event te ekta silver aru upcoming star Dhiraj Bommadevara laga individual recurve te ekta bronze, Sunday din.

23 saal laga Army archer Dhiraj ekdom himmat aru control dikhai bronze medal match jitise — 2-4 te pichhi ja thaka time te bhi Spain laga Andres Temino Mediel ke 6-4 score te ekta tight five-set match te harai dise. Tai din te he, Dhiraj veteran archer Tarundeep Rai aru Atanu Das logot thaka Indian men’s recurve team te bhi thakise, juntu silver medal pailai — China logot final match te 1-5 score te hari jai.

India laga total medal tally charta ase — compound mixed team te gold, compound men’s team te bronze, recurve men’s team te silver aru recurve men’s individual te bronze, juntu Dhiraj pailai. India laga campaign te Abhishek Verma bhi ekta medal laga kotha thakise, kintu narrowly miss kori compound men’s individual te fourth finish korise.

Bronze medal match te Dhiraj aru Mediel dujon first set te 28-28 score te tie korise. Second set te Mediel duita 10 mari 29-28 score te set jitise, aru score 3-1 ho jai. Third set bhi 29-29 te tie hoise, aru Dhiraj upar pressure ahibo start korise. Kintu Dhiraj fourth set te ekta zabardast comeback dikhai, duita 10 mari — ekta X, juntu sabse centre te jai — 29-28 score te set jitai match 4-4 te equal korise. Last set te Dhiraj ekdom calm thaki, tinte perfect 10 mari bronze medal confirm korise.

Semifinal match te, Dhiraj Germany laga world No. 4 aru Paris Olympics silver medallist Florian Unruh logot 1-7 score te harise. Florian pura match te consistently high score kori ekdom strong sabit hoise, juntu karone Dhiraj ke dominate kori dise.

Men’s recurve team final match te Dhiraj, Tarundeep Rai aru Atanu Das milaiki China logot first set 54-54 score te tie korise. Kintu second set te India laga duita 8 score diya karone China — Li Zhongyuan, Kao Wenchao aru Wang Yan — 58-55 score te lead loi lujai. India ke third set jitibo lagise match te thakibo karone, kintu ekta 8 score diya karone narrowly 54-55 te set hari jai, aru China pura match 5-1 score te jitiki gold medal loi lujai.