Yecheon, 22 May : World number one Indian mahila laga compound team, archery World Cup Stage II laga final dey ghusishey huilewi mota laga team toh Australia laga khilaf bronze medal clash haria piche dey itu tournament para khali haat wapis ahiwo, Wednesday dey. Jyothi Surekha Vennam, Parneet Kaur aro Aditi Swami laga trio, kun jaa mahina Shanghai leg dey World Cup Stage 1 dey gold medal jitishey, semi-final dey world number four USA 233-229 ke knock out kuri dishey. India toh itia gold medal clash dey world number seven Turkey logot clash kuribo, Saturday dey. Turkey para top-seed aro local favourites South Korea 234-233 ke alag semi-final dey stun kurishey.
Itu Indian mahila team karney bishi aasan thakishey, kuntu quarters dey bye ekta paisheh qualifying round dey second khotom huina. Taikhan para Italy ke last-eight dey 236-234 eliminate kurishey.
Priyansh, Prathamesh Fuge aro veteran Abhishek Verma laga world number one mota laga team, kun khan Tuesday dey qualifying round dey fourth girishey, lowly-ranked Australia khilaf shoot-off dey 133-133 (10-10*) haarishey.
Itu Aussies, kun world ranked 21st asey, itu Indian trio ke ekta 59 para shuru kurina asorit kuri dishey, khali ekta point giraina.
Bailey Wildman, Brandon Hawes aro Jonathon Milne laga itu Aussies team taikhan laga fine run chari rakhishey aro second round piche dey ekta one-point deficit overcome kurishey, kuntu para regulation four khotom hua piche dey 233-all kurishey.
Add Comment