New York, 10 July : Lionel Messi toh target dey thakishey kitia world champions Argentina para Tuesday dey Canada ke 2-0 haraishey aro Copa America final pahunjishey kutey taikhan ekta third straight major title karney bisaribo. Itu defending Copa champions toh
Wednesday laga semi-final winner ke samna kuribo kuntu Uruguay aro Colombia maju dey thakibo, Miami dey Sunday. Itu 15-times Copa champions para 82,500 MetLife Stadium laga bheer agey dey tournament laga sobse bhaal display dishey aro taikhan laga 2022 World Cup triumph dey nishna taikhan thik pal dey uthi asey.
Canada, kun taikhan laga agey Copa America appearance dey last four pahunjina bishi manu ke asorit kurishey, itu tournament dey taikhan laga run karney dangor credit luwoley paribo huilewi Messi aro company toh bishi step agey thakishey.
Di Maria, Messi aro De Paul laga classy triangle, Canada laga back line karney khatarnak thakishey aro itu former para ekta chip logot right para ekta second
threaten kurishey kuntu bar upar float kurishey.
Final minutes dey Canada para Emiliano Martinez ke substitute Tani Oluwaseyi logot para dukh diwoley parishey, itu keeper ke kunwa sloppy defending piche dey action dey majboor kuri dishey.
Huilewi itu toh Scaloni laga men karney ekta aasan jeet thakishey aro itu para taikhan ke record 16th Copa America jeet para ekta step duur rakhi asey.
Add Comment