December 29, 2023: Char sal piche deh Ariana Grande wapas music scene deh ahi ase. Seven Rings laka singer para tai taila seventh studio album 2024 deh release kuri bole ase kui nah confirm kuri shae recently. Wednesday din, December 27 deh Instagram deh kotha kura time deh 30 sal laka singer-songwriter para kunba photo aro videos kan share kuri shae aro caption deh,” aha sal apni kan keh sabo” liki nah taki shae. Recently Grande tho taila boyfriend Ethan Slater aro taila baba Ed Butera lokot bira diki shae New York city deh.
Positions singer para taila 380 million followers keh chutu ekta sneak peak dikai shae taila recent studio recordings sessions laka. Ekta picture deh polaroids kan bishi mati deh giri kan diki shae aro next picture deh tai, “ Apni kan keh aha sal sabo” liki nah taki shae lak lipstick lokot deh. Alak photos kan tho kitia b natika pictures kan taki shae taila nutun studio sessions laka.
Ekta picture deh tho Grande ganti nah diki shae aro tai etu photo deh ekta thumbs-up dikai taki shae. Alak photo deh tho tai manu kunba keh facetime kura time deh dance kuri taki shae. Tai olop piche deh etu photos kan tho taila Instagram deh share kuri shae aro ,” album” laka tuita mood “ liki shae.
Add Comment