New Delhi, 8 May : Famous singer Arijit Singh laga Abu Dhabi concert postpone koridise, India aru Pakistan majote tension dangor hoi jaa karone. Thursday din, Arijit Singh laga team Instagram handle te ekta post diya te announce korise ki upcoming live concert Abu Dhabi te postpone koridise — juntu concert asal te 9 May 2025 te Etihad Arena, Yas Island te hobo thakise. Kintu, organiser khan notun date joldi announce koribo.
Arijit laga team laga note te bhi clear korise ki sob tickets notun date te valid thakibo. Kintu, ticket holders khan laga ekta option ase full refund loibole, 12 May 2025 (Monday) para 7 din laga bhitor te.
Instagram note te likha ase:
“Dear Fans, recent situation karone, ami khan ekta tough faisla loise aru Arijit Singh laga live concert juntu Abu Dhabi te 9 May 2025 te hobo thakise, itu postpone koridise. Apuni khan laga patience, support aru bujhi thaka karone amikhan dangor dhonyobad janai ase. Venue logot miliki kam korise, aru notun date joldi announce koribo. Juntu ticket apuni khan already kine ase itu notun date te valid thakibo, nai hoile apuni khan refund loibole paribo 7 din laga bhitor te, 12 May 2025 (Monday) para. Apuni khan laga love aru support karone dhonyobad, amikhan aguwa din te apuni logot miliki ekta unforgettable moment bonaboloi wait kori ase.
With love,
Team Arijit Singh Live.”
Add Comment