Doha, 29 December : Chess te, India laga Arjun Erigaisi aru Koneru Humpy men’s aru women’s section te kramete bronze medal jitisey, kitia Magnus Carlsen aru Alexandra Goryachkina 2025 FIDE World Rapid aru Women’s World Rapid Championship laga title jitisey. Itu tournament Doha, Qatar te kali khelise.
Magnus Carlsen 10.5 points loi itu laga sixth World Rapid Chess title jitisey. Vladislav Artemiev, Arjun Erigaisi, Hans Moke Niemann aru Leinier Dominguez Perez 13 rounds sesh te sob mili kene 9.5 points loi second position te tie hoisey. Erigaisi Aleksandr Shimanov laga uporte fourth board te ekta important win loi 9.5 points pohonchisey aru second spot te tie te ahisey.
Artemiev TB1 score 105.5 loina second hoisey, kitia Erigaisi laga TB1 score 98 thakise. Niemann aru Dominguez laga TB1 score kramete 97.5 aru 95.5 thakise, aru taikhan third aru fourth hoisey. Itu hisab te Erigaisi third position te finish kori bronze medal jitisey.
Women’s World Rapid Chess Championship te Koneru Humpy o bronze medal jitisey. Itu laga alawa, tai 2019 aru 2024 te duita gold medal bhi jitisey.
Add Comment