New Delhi, February 21 : Arjun Kapoor, kun Rohit Shetty laga Singham Again te ekta villain laga role kuribole pura tayar asey tai para ekta nutun interview te koisey ki tailogotey villain laga role kuribole laga khubi asey aro tai para etu role te tailaga best disey. News Agency ANI para Arjun Kapoor para enaka koisey koikina quote kurisey, “Ami tu bisi khusi asey ki Rohit Shetty nisna ekta stalwart filmmaker para tailaga dangor film Singham Again, kuntu te bisi fim star khan asey , etu film nimitey ami logotey villain laga role kuribole laga khubi asey koikina dikhisiey. Ami janey ami para etu te pura mehnat kurisey aro ami tu etu sabole rukhi asey ki etu film release huwa picheyte manu khan para kinaka react kuribo.”
Enaka mushkil role luwa te, Arjun Kapoor para koisey, “ Toh jitya ami para acting ke explore kuribole mon thakisey, ami tu aney act kuribole aro camera ke face kuribole mon thakisey. Ami ke screen te ki role kuribole select kurisey etu te kitya bi fix thakanai. Ami tu ekey passion aro khusi mehsoos kuribole mon thakisey kuntu ami para dusra actor khan shot diya homoitey mehsoos kora dikhisey. Ami tu camera laga agayte hobole nimitey rush kora tu mehsoos kuribole mon thakisey aro ami tu kaam bhal para kuribole nimitey bisi mehnat kurisey.”
Olop din ageyte Arjun Kapoor para etu film para tailaga first look share kurisey. Etu picture te Arjun laga chehra tu khoon para bhorta thakisey. Aro ekta picture te Arjun aro Simmba (Ranveer Singh) ekjun ekjun laga suku te sai thaka dikhaisey.
Add Comment