Agencies, 18 August: Etu sal laga Arjuna award nemide sports ministry’s selection committee para 29 gara athletes laga naam recommend korise. Etu recommend kora majode Indian pacer Ishant Sharma laga naam be melikena ase.
Official para selection committee’s meeting bechide koise, Male recurve archer Atanu Das, women’s hockey team player Deepika Thakur, kabaddi player Deepak Hooda aro tennis player Divij Sharan ke toh award nemide recommend korise.
31 –sal Ishant para India nemide 97 Test aro 80 ODIs kheli kena ase aro tai para be 400 opor international wickets loikena ase.
Khobor hisaab te Olympic bronze-winning wrestler Sakshi Malik aro former world champion weightlifter Mirabai Chanu ke be committee laga nod pai kena ase hoilebe fesla toh sports minister Kiren Rijiju nemide charishe kelay koile tuita maike be former Khel Ratna awardees howa nemide.
Add Comment