France, 1 March : Swedish Olympic champion Armand Duplantis Friday din Clermont-Ferrand, France te All Star Pole Vault te nijor world record totai loise, aru tai ekta alag record promote bhi kure.
Competition te jitibo karone tai 6.07m bar clear kure loapisaat, Duplantis world record todhibo karone try kure, bar uthaikena 6.27 metres te rakhi, first attempt te clear kure loise.
Itu tai February 2020 te 6.16m loapikena first time world record loi thaka pichhe te, ebar ek centimetre kore total 11th time todhi loise.
Duplantis, 25 saal, Clermont-Ferrand te ditiya bar nijor record improve kure loise. February 2023 te tai 6.22m jump kure thakise.
Tai age 25 August 2024 te Poland laga Chorzow te Diamond League meeting te 6.26m laga record set kure thakise.
Itu taikhan Olympic Paris te gold paapikena tai 6.25m laga ninth world record todi thakibija thik pichhe te hoise.
Friday din, Duplantis aru Olympic bronze medallist Emmanouil Karalis, dujon bhi 6.02m clear kure loise. Greek jumper Karalis cramps anibija nisina mahsus kure kena risk no lua karone withdraw kure.
Duplantis 6.07m clear kure kena tie todhi loise, aru tai sob direct 20cm beshi bar uthaise.
All Star Pole Vault meeting tai laga season te second competition thakise. Tai February 14 te Berlin te 6.10m jump kure kena competition te wapas loise.
Tai Clermont te compete kure kena March 6-9 te Netherlands laga Apeldoorn te thakibole thaka European Indoor Championships skip kure loise.
Duplantis March 13 te Uppsala, Sweden te tai laga organise kura meeting te jump kuribo, loapisaat March 21-23 te World Indoor Championships Nanjing, China te compete kuribo.
Jetiya tai ke 6.30 todhibo nimite pochaile, tai “28, 29” koi dise.
Add Comment