Armed NSCN (IM) cadre ke dhurishey upper Assam tey

September 13, 2024: Itu insurgent group khan ke ekta jhatka di kena, kutu khan toh Upper Assam tey operational asey, Indian Army para ekta NSCM (IM) ke dhurishey aru tai logotey para war tey jhagara kuria laga saman khan paishey, Inthem Ghat tey para, Pengree tey para, Tinsukia district laga, Assam tey, 12^th September, 2024 tey. Thik khobor pai ken aitu opor tey kaam kuri kena, Army laga troop khan para, Assam Police logotey mili kena , ekta joint search operation launch kurishey, fujur fujur phaney aru ekta cadre ke dhuriboley parishey, aru itu cadre logotey duita pistol, teenta grenade khan aru ammunition khan thakishey, itu cadre toh hoiley submissive activity khan kuriboley bhabana thakishey koishey, itu jaga tey. Itu dhuri kena thaka cadre ke aru tai logotey para saman khan sob toh tatey laga Assam Police laga haat tey di dishey, aru bhi investigate kuriboley aru saman khan toh dispose kuriboley. Itu successful operation toh hoiley itu security force khan para effort diya laga highlight kurey, shanti aru stability ensure kuriboley itu region tey. Itu security force khan aru police khan eneka ke continue kaam kuriboley asey koishey, insurgent khan para dikdari diya ke rukhaboley aru public security maintain kuriboley.