Baku: October 17, 2020. Saturday din te Azerbaijan laga second tangor city te missile hamla kora nemite Armenian ke botnam korishe. Komti hoilebi 13 civilians aro 50 dousra manuh khan morishe. Nagorno-Karabakh te notun hamla te howa ase koishe. Armenian Defense Ministry para hamla kora botnam deya toh nahoi koishe. Hoilebi, Nagorno-Karabakh te separatist authorities para statement te kanon hesab te kora ase koishe. Azerbaijani officials para koishe, Ganja te Soviet-made Scud missile para toh 20 residential buildings beya korishe aro emergency workers khan para mora manuh aro bachai manuh khan ke uthai thakishe. Scud missiles Televised address kora samay, Azerbaijan president, Ilham Aliyev, para koishe ke, missile para hamla kora toh war crime ase aro Armenia laga leadership logot botnam korishe. “Azerbaijan para jawab toh wabas thibo aro etu battlefield te koribo,” koikena Aliyev para janai thishe. Etu samay, Azerbaijan aro Armenia laga authorities khan para civilians logot target kora nahoi koishe. Manuh thaka chaka sob toh larai para purta hoishe, 3 hafta neshina hoi ase, etu oper te Russia para cease-fire komto koriboli kam koriase. Nagorno-Karabakh laga regional capital Stepanakert te rati pura mara-mari thakishe, etu samay 3 jun civilians khan jokom paishe, koikena separatist authorities para koishe. Nagorno-Karabakh toh Azerbaijan chaka te asem hoilebi 1994 te war kotom howa beche Armenian forces ke Armenia para motob thikena tai khan para control kori ase. Tai khan majot te larai soru kora toh September 27 darik para ase, etu samay artillery, rockets aro drones para hazar manuh morikena ase. Saturday din, Aliyev para junaise ke, Azerbaijani forces para Fizuli town aro etu osor laga 7 bosti toh kabzaa korikena ase koishe. Fizuli chaka toh Nagorno-Karabakh bahar te Azerbaijani laga 7 chaka thaka ase, hoilebi 1990 saal war samay Armenian forces para lowa ase koishe. Turkish Defense Minister Hulusi Akarb para Azerbaijani counterpart logot phone te kotha korikena Azerbaijan para Fizuli wabas loboli parai aro Armenian jets ke mari deya nemite kushi paa janai thishe.Saturday din te Azerbaijani military para junaise ke, Armenian Su-25 jet ke marikena lamai thishe, hoilebi Armenia’s Defense Ministry para etu khobor toh nahoi koishe. Turkey para Azerbaijani military logot larai kora samay te drones aro rocket supply dishe, etu motob para Armenian forces ke paribo nemite, tai khan toh purana Soviet thaka samay laga saman jolai ase.
Add Comment