May 13, 2021. Assam, Tezpur headquarter laga Indian Army 4 Corps para desh laga kotha aro manishe. 4 Corps logot Gajraj Corp nam te jani ase, tai khan para Tezpur Medical College Hospital (TMCH) te 45 oxygen beds aro 5 ICUs bonai thishe koishe. 4 Corps para oxygen beds aro ICUs toh kali tin(3) din pithor te bona kotom korishe. Tezpur Medical College Hospital (TMCH) te 4 Corps para beds toh Assam Government para request kora nemite bonaishe koishe. Assam Chief Minister Himanta Biswa Sarma para 4 Corps oper te besi kushi powa janaishe.
“GOC aro tai laga teams khan logot besi bhal kam kora nemite dunyawad kori ase,” koikena Assam Chief Minister Himanta Biswa Sarma para janai thishe. “itya samai laga halat te Oxygen beds paboli besi dukh thakishe, ami khan laga request hesab te Tezpur laga 4 Corps HQ para 5 ICU aro 45 Oxygen beds toh Tezpur Medical College te tin(3) pithor te bonai thishe,” koikena Assam Chief Minister Sarma para koishe. Assam laga COVID-19 halat toh jowa moina para besi beya jai ase. Wednesday din te COVID-19 bemar para 71 manuh morishe aro 5657 notun cases khobor ase.
Add Comment