New Delhi: ARMY CHIEF General MM Naravane para Tuesday din Siachen aro eastern Ladakh te jaikena frontline troops khan laga kam toh visit korishe. Etu jaga visit kora toh eastern Ladakh te China logot ek saal oper larai nakoriboli kam nemite jaishe. Senior military commanders pithor te 11 rounds neshina meeting korikena be China para itya dak Gogra Post aro Hot Springs jaga toh jarikena jowa nai. Hot Springs aro PP17A at Gogra Post te Patrolling Point 15 toh tuita(2) points ase ke Chinese forces para May 2020 saal te ahikena ase aro etu jaga te tai khan para India laga Line of Actual Control (LAC) te sepia aro gari rakina ase koishe. Corps Commanders pithor te last meeting samai, February moina te Pangong Tso te jamila nakoriboli kotha kora beche te be China para etu jaga jarikena jowa nai. Tuesday din statement te Army para koishe ke, “Naravane para aji Siachen aro Eastern Ladakh te jaikena operational halat toh saishe” aro tai logot Northern Army Commander Lt Gen YK Joshi, Army Commander aro Commander of XIV Corps Lt Gen PGK Menon aro dosura officers khan be tai logot thakishe. Menon para Army Chief logot itya laga security halat aro kam kori thaka toh janaishe. Wednesday din Naravane toh Delhi koraboli koishe.
Add Comment