Army Chief para Singapore World War II Memorial te saman korishe

SINGAPORE: Monday din Indian Army chief General MM Naravane para Singapore te Kranji war memorial visited korishe aro World War-II samai line of duty te kaun khan para desh nemite jaan dishe, tai khan ke saman korishe. India, UK, Australia, Canada, Sri Lanka, Malaya, Netherlands aro New Zealand para kaun maiki aro motha manuh para second World War samai Japanese forces kelaaf te Singapore aro Malaya defend korishe, tai khan logot dedicated kora janaishe. Memorial pithor te War Graves, Memorial Walls, State Cemetery aro Military Graves ase. Malaya toh 1963 saal te North Borneo, Sarawak aro Singapore logot melikena Malaysia bonaishe. 1965 saal te Singapore toh federation para alag hoishe. “General MM Naravane laga first visit din te, COAS para Kranji War Memorial te wreath laid korishe aro Singapore te 2nd World War samai soldiers kaun para desh nemite jaan dishe, tai khan logot saman korishe,” koikena Army’s Additional Directorate General of Public Information (ADG PI) para janaishe. Gen. Naravane laga tin(3) din Singapore visit samai bilateral military cooperation tangor koribo. Tai para Singapore laga senior military aro civilian leadership logot April 4 para April 6 darik visit te talks thakibo. Tai para aro Singapore te military installations alag-alag jaga te thakai visit koribo. Indian Army chief para Minister of Defence, chief of Singapore Army aro dosura senior dignitaries logot India-Singapore defence relations nemite kotha koribo koishe.