Srinagar: Shopian area South Kashmir te juwa moina te huwa encounter te army khan para sai ase aro statement khan record kuri ase.etu bi Rajouri laga ghor manu khan Jammu region para Jammu and Kashmir police logote complaint kurishe t ai khan laga members khan etu eki jaka para harijaikena thaka nimete .
Srinagar-based Defence spokesperson Col Rajesh Kalia para ekta statement dikena koishe ekta high-level Court of Inquiry Operation Amshipora Shopian te chuli ase.
Tai koishe “ key witnesses khan laga statement khan toh record kurishe aro kinika jai ase etu khan sai ase Additional civil witnesses khan ke Court of Inquiry te ahibole janaishe.”
Spokesperson koishe DNA samples khan jamaa kurishe Rajouri te Jammu and Kashmir police para aro matching nimete phutiashse July 18 laga encounter te terrorist ke muraidiya te sabole nimete.
Col Kalia koishe ki army khan sob Counter Terrorist operations lobole nimete ase.tai koishe ki “cases kuntu te bhabona kura khan uthaishe chan bin kuri ase process bithor te ase mati laga kanoon hisaab te kile koile toh chan bin kurikena ase aro khobor khan toh joldi share kuribole lagibo aro legal process khan te dikdaar nadiya akhe te.”
Etu tinta juwan manu laga ghor manu khuan Dhar Sakri village Kotranka Rajouri area Poonch te ekta written missing person report dishe local police station te tai khan July 17 te tai khan laga ghor manu logote contact harijuwa pichede.
Etu complaint te tai khan para police ke khobor dishe ki tai khan para etu tin jun ke kotha kurishe kun khan applearo walnut trading te thaka toh July 16 te etu juwan manu khan para tai khan laga ghor manu khan ke khobor diyapichede Ashimpora Shopian te room paishe koikena jana pichede.
Etu eki jaka toh encounter laga jaka te aha din te akhe te thakishe aro etu pichede ekta report kurishe etu tin jun laga families khan para complaint te koishe .
Add Comment