India, 20 January 2025: Army laka Motor cycle Rider Display Team “Daredevils” khan pra record banai shey sopse ucha human pyramid laka etu b moving motor cycles te Monday din te. Formation toh 20.4 feet measuring kuri shey aro 40 manu thaki shey satha motorcycles te, aro 2 kilometers dur cover kuri shey Kartyva Path te, Vijay Chowk pra India Gate tak.
Motorcycle Rider Display Team, “Daredevils” koi kina b janeh, taikhan Army’s Crops of Signals pra ase aro accolades laka long history ase. Team toh echa maza 33 world records boast kuri kina ase tadeh pra Guinness Book of World Records, Asia Book of Records aro Limca Book Of Records te entries b ase.
Daredevils khan ke India Chowk ke flagged kuri shey Signals Fraternity khan pra, Head of the Arms of The Corps of Signals, Lieutenant General KV Kumar pra b, cheers aro motivation dishey contingent laka morale toh boost kuribo leh, Army khan pra statement te janai dishey. 1935 te taikhan laka inception time pra, Daredevils khan 1,600 opor motorcycle displays kuri loishey pura India te, Republic Day parades, Army Day parades aro kisim kisim military tattoos khan events te b.
Taikhan laka dedication aro exceptional skill toh continue kureh Army laka prowess showcase kuribo leh aro inspire kuribo leh b, enika koishey.
Add Comment