SRINAGAR: Sources koishe ke Monday din te Major Vikas Singh ke sammaan dishe. Tai toh Jammu and Kashmir laga Line of Control te rangkhang (gorge) te geri kena muri jaishe. Etu ghatna toh tai jaga te sai kena berai thaka samay te hoishe.
Army spokesman para koishe ke Chinar Corps commander Lt Gen K J S Dhillon aro sob rank thaka khan para Major Singh ke sammaan dishe. Etu toh Badamibagh cantonment te Major Singh nimite program rakha samay te hoishe.
Spokesman koishe ke officer para line of control te ekdam dangor balidaan (sacrifice) dishe. Etu toh April 14th te Kupwara district laga Machhil sector te hoishe.
Saturday din te Major Singh toh Machil laga LoC te nazaar rakhi thaka samay te rangkhang (sgorge) para geri jaishe. Etu nimite Major Singh toh ekdam biya para jokom hoishe.
Sources koishe ke tai ke hospital te loi jaishe. Aro tate para tai ke olai de kena Army laga 92 base hospital te loi jaishe. Etu hospital toh Badamibagh Cantonment te ase.
Sunday din te Major toh jokom bishi huwa nimite hospital te muri jaishe.
Major Singh toh Uttar Pradesh laga Ghazipur para ase. Major Singh toh 2010 te army laga Lieutenant hoishe.
Spokesman koishe ke Major Singh toh tai laga maiki aro char moina thaka chukuri cchari kena jaishe.
Add Comment