May 5, 2024: Ekta 86-year old ex-serviceman kun Assam para ase, taikeh etu sal laka L:ok Sabha election polls deh vote kuri bo dia nai. Election department para taila nam tho delete kura karne. Kile koile taikan laka record isap deh, tai tho muri nah ase, officials para kui shae. Niresh Ranjan Bhattacharjee, ekta former Indian Army officer ase, kun Pakistan laka against tuita war kili shae. Tai para tai election department officials laka hath para ekta slip pai shae kui shae, kuteh taila nam tho “deleted list” deh taki shae, “E” mark lokot deh. Tai para officials kan taike vote kuri bole nadia time deh, tai para taikeh ekta written statement di b kui shae, kuto tai pai shae. “Taikan muila osor deh uneasy laki taki shae. Taikan para muila nam deh E-Mark taka maneh mui muri nah ase. Hoile b mui taikan laka agae deh zinda taki shae. Utu para taikan keh olop awkward situation di shae,” Bhattarcharjee para kui shae.
Army veteran keh vote kuri bo dia nai, election officers para dead declare kuri shae
Add Comment