LUCKNOW:
Sources koishe police Inspector ke murai diya laga case te ekta soldier ke key suspect hesab te dhurishe. Mob para police inspector ke guru(cow) slaughter te action nolua karne muraishe. Etu ghatna toh Bulandshahr jaga Uttar Pradesh te Monday te hoishe. Jitendra Malik ke Uttar Pradesh police team para jua rati Jammu and Kashmir laga Sopore town para dhurishewas. Hoile bhi army aro police etu kotha officially confirm kura nai.
Jeetu toh Srinagar te post hoi kena ase. Jeetu tai laga bosti Bulandshahr te 15 days chute(leave) tea hi kena thakishe. Etu chute samay te etu mob violence toh hoishe. Jeetu ke din laga mob violence video te bishi bar dekhishe. Sources koishe Jeetu toh inspector Subodh aro ekta civilian murai diya laga same rati te Sopore te jai jaishe.
Police sources koishe Jeetu para shoot kora guli para Inspector Singh murishe na nai etu investigate kori ase. Senior officer kun para etu gatna investigate kori ase NDTV ke koishe Jeetu para he inspector Singh ke marishe etu joldi prove hubo le ase.
Inspector Subodh Kumar Singh aro tai laga team bosti te violence rukhabole jai kena thakishe.
Aatta(eight) manu mob violence te haat thaka arrest kurishe.
Agi Bulandshahr laga top officer aro duita dusra officers transfer korishe. Tai khan ke situation te joldi react no kura karne transfer dishe. Senior Superintendent of Police Krishna Bahadur Singh ke Lucknow te move kurishe aro tai ke Superintendent of Police Prabhakar Chaudhary para bodli kurishe. Prabhakar toh Sitapur para ase.
Etu action toh high-level meeting pichote loishe. Meeting report toh Director General of Police (DGP) OP Singh para Chief Minister Yogi Adityanath ke dishe.
Yogi Adityanath Bulandshahr ghatna ke “accident” koishe.
Chief Minister koishe etu ghatna toh ekta dangor conspiracy laga result ase. Hoile bhi Friday laga Delhi te huwa media event te Chief Minister koishe etu hadsa toh accident ase.
Chief Minister koishe “Uttar Pradesh mein koi mob lynching ki ghatna nahi hui hai… Bulandshahr mein jo hua wo ek durghatna thi (Uttar Pradesh te eku mob lynching huwa nai, Bulandshahr te accident hoishe).”
Add Comment