Arnold Schwarzenegger laka Thanksgiving tho bomb laka damki para bia kuri di shae

December 1, 2024: Arnold Schwarzenegger laka Thanksgiving tho law enforcement kan tai  laka apartment deh gusi mah bia kuri di shae. TMZ para Los Angeles Department kan actor laka ghor deh gusa laka report kuri shae, taikan ekta distress call pah piche deh. Call para Schwarzenegger laka mailbox deh bomb ase kui nah report kuri shae. Hoile b etu tho ekta false alarm ase kui nah jani jai shae. Source para news outlet keh, police kan Terminator actor laka security staff lokot deh kotha kuri shae kui shae aro tai laka ghor deh bomb dali bole over heh dangor kam ase kui shae, maneh bishi dictar kam ase, kun karne b. Kile koile etu jaka deh 24-hour security aro video surveillance ase. Etu set up kan tho actor aro taila kandan laka safety karne ase. Police kan Schwarzenegger laka ghor deh usa time deh, actor tho ghor deh taka nai, kile koile tai tho gym deh taki shae. Tai tho piche deh heh kandan lokot deh mili bole expect taki shae, holiday karne. Itia tak tho LAPD para kun keh b arrest kuri nah nai, bomb damki laka connection deh. Hoile b Hollywood actor laka reps para tai tho police department lokot deh kushi deh ase kui shae, situation tho investigate kura karne.