October 27, 2023: Aro aatha trucks kuto kha saman, pani aro dawai buki ase, etu trucks kan Friday din Gaza Strip deh gusi bole expect kuri ase, ekta senior United Nations Official para kui shae.
“Mukan itia tho 74 trucks nishi nah gusai di shae. Mukan aji b aatha nishi nah trucks jabo di boleh expect ase,” Lynn Hastings, Occupied Palestinian Territory laka UN Humanitarian Coordinator para reporters keh kui shae Geneva deh.
Hasting para overly populated jaka deh humanitarian crossing kuri bo karne Israel lokot kotha kuri ase kui shae. Etu jaka deh airstrike kan bishi laki shae aro etu para haza nishi nah manu keh murai di shae.
“Khali technical aro security issue he nahoi nah, political issue b ase yateh. Aro Israel laka government laka upor deh pressure b ase taikan laka domestic politics karne.” Hastings para kui shae.
Gaza deh fuel lui jab oleh itia b agreement kan bana nai. Aro U.N. Palestinian refugee agency para fuel nataka tho life-saving humanitarian operations kan bia kuri dia se kui shae.
Add Comment