Aro ekta Mumbai hit-and-run case

July 29, 2024: Aro ekta hit-and-run cae deh, ekta speed jah BMW para ekta 28 sal laka manu keh lakai nah murai di shae, Mumbai laka Worli jaka deh. Etu incident tho July 20 din deh hui shae aro Monday din deh heh jani shae. Case deh accuse taka, Kiran Indulkar tho scene para polai jai shae, hoile b piche deh arrest kuri di shae, India Today para report kuri shae. Victim, Vinod Laad tho two wheeler julai nah kam para ghor deh wapas jai taki shae. Jai taka time deh Indulkar laka BMW para pichae deh lakai di shae, Abdul Gaffer Khan road deh. Lakai di nah Indulkar tho polai jai shae aro bishi bia para jokom kah Vinod keh pichae deh chari di shae. Locals kan para Vinod keh phat hospital deh lui jai di shae. Accident hui nah sath din piche deh Vinod tho taila jokom para muri jai shae. Ekta case keh regiter kuri di shae aro Indulkar keh arrest kuri di shae. Etu mohina deh etu tho second BMW hit-and-run case, Mumbai deh. July 7 din deh, Mihir Shah gari chula time deh, ekta scooter keh lakai di shae, Lakai dia tho ekta 45 sal laka maike keh murai di shae aro taila mota khe jokom kuri di shae. Taila case tho Sewri court deh present kuri shae aro taila judicial custody di shae, July 30 din tak.