Guwahati, November 9 ; Assam laga Congress MLA Aftab Uddin Mollah ke Kamrup-Metro Chief judicial magistrate (CJM) para Thursday (November 09) te bail disey. Assam laga Congress MLA Aftab Uddin Mollah tu November 07 te Hindu laga sadhu aro rishi khan laga khilaf te biya bayan diya nimitey seher laga ekjun manu para Guwahati laga East Zone laga deputy commissioner of police (DCP) logotey ekta FIR lodge kora picheyte tai laga ghor para arrest hoisiley.
Assam laga Congress para bi etu Congress MLA ke enaka koikina show cause notice issue kurisey : “Ekta secular(sob dhorom laga izzat kora) democratic rajneetik party hoikina, Indian National Congress tu manu ke nafrat feila laga kaam kora aro dhormic aro jeher nisna bayan diya laga ekdam khilaf te asey.”
Assan Congress president Bhupen Borah para etu show cause notice te koisey, “Etu laga bodli, Indian National Congress tu manu khan laga majotey lagatar ekjut hoikina thaka laga , integrity aro samaj te manu khan logotey milijulikina thakibole laga message feilabole nimitey kaam kuri asey.”
Add Comment