Arsenal laga nutun Spoting Director Andrea Berta

Arsenal para Andrea Berta ke etu club laga sporting director laga roop te swagat kurisey. Aro Edu Gaspar para November te resign kurikina etu position khali hoija tu fill kuridisey. Andrea tu football te ekta dangor izzadar manu asey aro tai logotey bisi knowledge aro experience asey. Tai Italian football team Carpenedolo, Parma aro Genoa aro last Atletico Madrid nimitey technical roles te kaam kurisey. Andrea para ekta statement te enaka koisey, “Ami Arsenal join kuribole bisi khusi asey. Ami para Arsenal tu juwa olop saal te kiman agey barisey etu dikhikina bisi interested hoisey aro etu club ke European football te duniyabhor para bisi follower thakikina ekta dangor aro tagra club banabole mehnat kora tu dikhikina khusi paisey.  Etu club logotey bisi bhal values aro ekta bhal history(etihas) asey aro ami ekta dangor team logotey ekta successful future banabole nimitey amilaga part nibhabole bisi khusi asey. Ami tu amilaga nutun role te kaa suru kuribole rukhibo napara hoisey aro ami hosa bi Emirates Stadium te amikhan(Arsenal) laga supporters logotey amilaga first game experience kuribole mon asey.” Andrea tu almost 12 years Atleti club logotey spend kurisey aro etu squad ke shape kora te ekta dangor role nibhaisey. Aro etu squad para 2013/14 aro 2020/21 te La Liga titles jitisey aro 2018 te Europa League jitisiley. Taikhan Copa Del Rey, UEFA Super Cup aro Supercopa de Espana bi jitisey tai etu club te thaka homoitey aro duita UEFA Champions League finals bi pungchisey. Arsenal laga Co-Chair Josh Kroenke para enaka koisey, “Kun manu khan football laga bari te janey, taikhan janikina thakibo ki Andrea tu ekta dangor manu asey. Tailogotey football laga bisi jankari asey, ekta bisi bhal track record, ekta tagra network aro jitiya team banabole laga iccha. Andrea tu amikhan laga club te ekta bisi bhal addition hobo. Tai amikhan laga values aro amikhan ki nimitey khara korey etu janey aro amikhan logotey eku doubt nai ki tai para amikhan ke agey loijabole modod kuribo aro dangor trophy khan jitobole laga amikhan laga kosis te next step uthabo. Amikhan para ekta bisi gehra recruitment process kurisey aro amikhan dusra candidate khan laga level logotey bi bisi imoress hoikina asey hoilebi Andrea laga experience aro success para impress hoijaisey. Amikhan tai logotey milikina kaam kuribole aro taikey Arsenal family te welcome kuribole khusi asey.”